購買網址: https://eppvip.com/collections/thl/products/copy-of-jabra-evolve2-30

Jabra 早前就推出咗專為辦公室同在家工作而設嘅 Jabra Evolve2 30 頭戴式耳機，而呢個耳機依家就喺我手喇！即刻同大家睇下！

呢款Jabra Evolve2 30機身輕巧，耳機上設有可調整嘅不銹鋼頭帶同滑動器，方便用家可以根據自己頭型而隨時調較。佢嘅耳罩位採用咗傾斜式設計，配合呢個咁軟熟嘅橢圓形記憶棉耳墊，戴落真係好舒服同貼耳。

Jabra Evolve2 30配備28毫米嘅揚聲器同高階數碼晶片，可以提供高質素嘅通話同媒體播放音質。佢亦擁有雙收音咪通話技術，能夠清晰收音，等用家喺任何地方都可以參與通話同線上會議。喺通話時，耳機嘅「忙碌中」顯示燈亦都會自動開啟，同時用家都可以選擇手動開啟，向周邊嘅人發出「請勿打擾」嘅訊號，等用家可以專注工作。另外，用家都可以藉住撥動收音咪桿，喺靜音模式同取消靜音模式之間切換。

呢款耳機仲提供埋 Microsoft Teams 嘅認證版本同專用鍵，只要輕輕一㩒呢個制，就可以快速加入或退出會議。

Jabra Evolve2 30香港已經有售，立體聲同單聲道分別賣緊HKD$859同HKD$779，購買時仲可以俾用家選擇USB A或USB C插頭，而且連接裝置後可以即刻使用，方便晒一啲經常外出工作，並需要喺不同電腦裝置上使用耳機嘅用家。